La Ilustración: Movimientos culturales del siglo XVIII

BIOGRAFÍA

Inmanuel Kant nace en Königsberg (Prusia) en 1724. Na Universidade da súa cidade, onde posteriormente é nomeado profesor, posto que desempeñou ata os últimos anos, estudou matemáticas, física e filosofía. A súa vida caracterizouse pola ausencia de sucesos salientables. Morreu no 1804 na súa cidade natal, a súa vellez particularmente triste, xa que perdeu progresivamente as súas facultades.

Kant entende que a filosofía busca responder a: “que é o ser humano?”. Esta cuestión concrétase en: “que podo coñecer?” (Metafísica, Crítica da razón pura), “que debo facer?” (Moral, Crítica da razón práctica) e “que me cabe esperar?”. Tamén destacan Paz perpetua e A relixión dentro dos límites da mera razón.

FACTORES POLÍTICOS, SOCIAIS E CULTURAIS QUE NO S VIII CONDUCEN Á ILUSTRACIÓN

A Ilustración é un conxunto de movementos culturais do século XVIII (entre a Gloriosa revolución inglesa de 1688 e a Revolución francesa de 1789). Esta época chámase século da Ilustración ou das luces pois preténdese clarificar e iluminar todos os aspectos da vida humana. A Revolución científica, a transformación tecnolóxica e económica, e o descubrimento de novas terras e culturas cambiaron a forma de vida e as ideas dos europeos.

Pode entenderse a Ilustración desde o espírito do Renacemento e o racionalismo levado ata o extremo, sendo rexeitado todo o que non é racional.

Os países nos que destacou foron: Inglaterra, Francia e Alemaña.

En Inglaterra a Enlightment identifícase co empirismo e desenvólvese nun estado político liberal e tolerante. O seu gran mestre é Locke, empírico e liberal. No campo das ciencias destaca Newton, cuxo método é seguido cegamente; ata Hume intentou levalo á Filosofía.

En Francia, as Lumières xéstanse na tensión social debida á ascendente clase burguesa e á organización política autoritaria do Despotismo Ilustrado. Este sistema definiuno Luis XIV como: "Todo para o pobo, pero sen o pobo", é dicir, a búsqueda do ben da nación sen contar coa opinión dos cidadáns. Isto desencadea a Revolución Francesa. Neste contexto xorde a Enciclopedia, creada por intelectuais como Diderot, Montesquieu ou Voltaire, e símbolo da actitude ilustrada.

En Alemaña, a Aufklärung, a máis tardía, é unha revolución desde arriba, desde unha minoría apoiada polo Despotismo Ilustrado, cuxo centro reside nas universidades e que se centra na análise dos fundamentos e alcance da razón. Destaca Leibniz pero, sobre todo, Kant.