Bigarren Sektorea: Industria, Energia eta Eraikuntza

Bigarren sektoreko jardueren bidez, lehen sektorean lortutako natura-baliabideak eraldatzen dira.

Industria

Industria lehengaiak produktu bihurtzeko jardueren multzoa da. Bi mota daude:

Landua

Bere horretan erabili edo kontsumitzekoa (azukrea, janari-kontserbak...).

Erdilandua

Beste industria baterako lehengaia da (altzairua industria elektromekanikorako, zelulosa papergintzarako...). Industria ekonomiaren oinarrietako bat da, enplegua sortzen duelako eta beste jarduera batzuen bultzatzailea delako. Industria garapen-mailaren adierazlea da.

Energia-Ekoizpena

Energia-iturriak natura-baliabideak dira, eta behin eraldatuta, mugimendua, indarra, argia edo beroa ekoizteko erabil daitezke, industrian, garraioan, etxeetan eta beste hainbat jardueratan kontsumitzeko. Gaur egun, energia-iturri tradizionalak (ikatza, petrolioa, uranioa...) dira nagusi. Ekonomiaren funtsezko sektorea da, energia behar-beharrezkoa delako gure gizartean. Energia-ekoizpenak enplegua eta aberastasuna sortzen ditu.

Eraikuntza

Eraikuntza sektorearen jardueratzat jotzen dira etxegintza, industria-nabeen eta bestelakoen eraikuntza, eta ingeniaritzari lotutako herri lanak (errepideak, zubiak...). Batzuetan espekulatu egiten da.

Energia-Iturriak

Baliabideak dira, haiei esker ekoitz baitaiteke industriak, garraioak, etxeek eta beste hainbat jarduerek eta arlok behar duten energia.

Energia-iturri berriztaezinak

Energia-iturri tradizionalak dira. Ez dira berritzen edo birsortzeko zikloak mende asko iraun dezake. Erabilenak (petroleoa, ikatza, gas naturala, uranioa) dira.

Energia-iturri berriztagarriak

Ziklo naturaleen bidez birsortzen dira, eta ez dira asko erabiltzen arren, ez dira agortzen. Garrantzitsuenak:

• Biomasa: (egurra, nekazaritzako hondakinak, simaurra...). Egurra erre edo materia organikoa hartzitzen denean, energia sortzen da. Merkea denez oso erabilgarria da herrialde azpigaratuetan edo garabidean daudenetan.
• Ura: (Energia hidroelektrikoa). Energia-iturririk erabilienetako bat izan da beti.
• Eguzkia: (Eguzki-energia) eta haizearen indarra (energia eolikoa). Azken urteetan, garapen gobernuen laguntzari esker, garrantzia hartzen ari dira.
• Lurraren barneko beroa: (Energia geotermikoa) eta marearen indarra (marea-energia). Oraingoz oso zaila da ekoizten eta lurreko oso leku gutxitan egiten da.

Monopolioa

Enpresa batek, edo batzuek, merkatuko sektore bat kontrolatzea.