Garapen Ebolutiboa eta Musikalaren Zikloak (6-12 urte)

Garapen Ebolutiboa eta Musika (6-12 urte)

Lehenengo Zikloa (6-8 urte)

• Umea eragiketa mentalak egiten hasten da.
• Bere afektibitatea etxetik kanpo beste komunikazio guneetara zabaltzen da.
• Ingurunea onartzeko gaitasun handiagoa du eta bere taldean parte hartzea errazten du.
• Nagusien menpekotasuna gutxitu eta taldeetara jotzen du.
• Parte bat beste batekin konparatzen du eta zati bat osotasunarekin.
• Osoa eta parteak bereizten ditu.

Bigarren Zikloa (8-10 urte)

• Besteekin dituen harremanek motibatuta sentitzen da.
• Motibazio hau sozializaziorako eta lankidetzarako nahian islatzen da.
• Bere nortasuna finkatzen da eta gaitasunen kontzientzia hartzen du.
• Logikoagoa da eta errealitatea hobeto ulertzen du.
• Berdintasunaren eta ezberdintasunaren kontzientzia hartzen du.
• Abstrakzio gaitasuna areagotzen da (irakurketa musikalerako gaitasuna).
• Psikomotrizitatea hobetzen da (instrumentuekin praktikatzeko gaitasuna).
• Espazio-denbora kontzeptua hobeto ulertzen du.
• Lateralitatea garatzen du.

Hirugarren Zikloa (10-12 urte)

• Pentsamendu egozentrikoa galtzen du. Laguntza portaeretara bultzatzen du.
• Oso une egokia taldeetan parte hartzea sustatzeko.
• Psikomotrizitatearen helburuak finkatzen ari dira.
• Koordinazio orokorra eta fina hobetzen ditu, eta horrekin batera mugimendurako gaitasuna aurreratuta dauka.
• Espazio-denbora kontzeptua oso garatuta dauka, horregatik espazioaren eta denboraren arteko erlazioaren kontrola finkatzen da.
• Eskarmentutik abiatuta abstrakzioak eraikitzen ditu.
• Pentsamendua gero eta analitikoagoa da.

Swanwick-en Espirala

• Sentsoriala
• Maneiu modua
• Adierazkortasun pertsonala
• Herriko modua
• Espekulatiboa
• Idiomatikoa
• Sinbolikoa
• Sistematikoa

Herriko Modua:

• Arauak agertzen dira, melodiko eta erritmikoak.
• Egitura finkatzen da.
• Neurri antolamendua arrunta da, nahiz eta sinkopa erabili.
• "Ostinatoak" erabiltzen ditu.
• Kanpoko ideia musikalak barneratu ditu.

Espekulatibo Modua:

• Saiakuntzak egitea gustatzen zaio.
• Egitura aukerak aztertu nahi ditu.
• Arauak gainditzen ditu.

Musikan

Adierazpena (6-8 urte)

• Ahots adierazpena aberatsagoa da. Erregistroa zabaltzen da.
• Garapen erritmikoan aurreratu du. Garapen motriz garrantzitsuari esker, aukera du oinak eta eskuak musikarekin sinkronizatzeko eta koordinazioan ere aurrerapen garrantzitsuak egiten ditu.
• Pultsuak bizkortzeko joera erakusten du.
• Eskolako instrumentuak gustatzen zaizkio.
• Musika-irudien iraupenak bereizten ditu.

Pertzepzioa (6-8 urte)

• Kontzentrazioa eta arreta finkatzen dira. Orduan, hobeto ulertzen du musika egitura.
• Tonalitate eskema sinpleak ezagutzen ditu (oraindik ez du tonalitatea finkatuta). Konturatzen da esaldi erritmikoa edo melodikoa ez dagoela amaituta.
• Entzuketa musikala onartzen du.
• Musika Mintzaira ikasten has daiteke. Kodea.

Adierazpena (8-10 urte)

• Helduagoa da motrizitate aldetik.
• Perkusiozko instrumentuak gustatzen zaizkio.
• Taldeetan edo beste norbaitekin jotzea gustatzen zaio.
• Musika-lan motzak egitea gustatzen zaio (konposizioa).
• Bere erritmo sena areagotzen da eta instrumentuak jotzeko trebetasun handiagoa erakusten du.
• Oso une egokia da ahotserako.

Pertzepzioa (8-10 urte)

• Erritmo konplexuagoak onartzen ditu.
• Konpas bitarrak, hirutarrak eta lautarrak bereizten ditu. Konpas elkartuak (6/8) oraindik zailak dira baina barneratzen ditu.

Adierazpena (10-12 urte)

• Abestiak edozein erregistrotan kantatzen hasten dira (ume bakoitzak bere ahotsa garatzen du).
• Dantzarako gaitasun motriz areagotzen da.
• Ahotsa aldatzen hasten da.

Pertzepzioa (10-12 urte)

• Memoria melodikoa eta harmonikoa garatzeak musika-lan luzeagoak interpretatzea errazten du.
• Neurri egitura irregularrak eta erritmo sinkopatuak bilatzen ditu.