Medición de magnitudes físicas

Temperatura

Os termómetros son os instrumentos que miden a temperatura. Poden ser de alcohol (laboratorio), mercurio e alcohol de ambiente. A temperatura mídese na escala de temperatura centígrada ou Celsius (ºC) ou na escala de temperatura Kelvin (K). O cero Kelvin é o cero absoluto: -273 ºC.

Redondeo

O redondeo é o desprezo das cifras situadas á dereita da última cifra significativa. A partir da medida directa de certas magnitudes, como a masa e o volume, pódese establecer a medida indirecta doutra, a densidade.

Densidade

A densidade é unha propiedade característica da materia, porque nos permite identificar unha substancia pura e diferenciala doutra.

Cifras significativas

Son cifras significativas:

1. Os díxitos distintos de cero. Exemplo: 325 cm -> 3 cifras significativas.
2. Os ceros entre dúas cifras significativas. Exemplo: 2005 -> 4 cifras significativas.
3. Se o número é maior que 1, todos os ceros situados á dereita da coma decimal. Exemplo: 12,00 ºC -> 4 cifras significativas.
4. Non son cifras significativas os ceros á esquerda da primeira cifra significativa.
5. Para números sen coma decimal, os ceros que están despois do último díxito distinto de cero, non se pode saber se son ou non cifras significativas.

Os instrumentos de medida son necesarios porque hai magnitudes ou pequenas variacións dunha magnitude que non se poden apreciar cos sentidos.

Instrumentos de medida

Lonxitude

Expresan a distancia entre dous puntos:

• Cinta métrica: para lonxitudes da orde de 1 m.
• Regra graduada: en milímetros, emprégase para medir lonxitudes da orde dos cm.
• Calibrador: serve para medir pequenos espesores, lonxitudes, diámetros e profundidades. Ten dúas partes: nonio e regra principal.

Volume

Os corpos ocupan un lugar no espazo que non pode ser ocupado ó mesmo tempo por outros. Este espazo recibe o nome de volume.

Instrumentos de medida do volume:

• Probeta
• Pipeta
• Bureta
• Erlenmeyer ou matraz
• Vaso de precipitados

O volume interior destes recipientes denomínase capacidade.

Masa

A masa é a magnitude que mide a cantidade da materia dun corpo.

• O granatario é unha balanza que se emprega para medir cantidades da orde do gramo.
• A balanza analítica permite medir cantidades da orde da décima de miligramo.

Tempo

O tempo mídese en horas, minutos e segundos. Estas unidades pertencen ao sistema métrico sexaxesimal (60 unidades dunha magnitude equivalen a 1 unidade da magnitude inmediatamente superior). Utilízanse reloxos e cronómetros para medir intervalos de tempo ou medidas de precisión.