Osasun Laguntza: Prozesu Akutuak eta Komunikazio Baliabideak

1. Zer da Osasun Inguruko Laguntza Erlazioa?

Osasun langileak gaixoaren kezkak eta beldurrak bideratzen lagundu behar du, eta tratamendu modurik egokienean aurrera eramateko animatu. Prozesu guztiak, osasun inguruko laguntza erlazioa izenarekin ezagutzen dira.

2. Zeintzuk dira Laguntza Erlazioan Erabiliko Ditugun Komunikazio Baliabideak?

• Entzute aktiboa.
• Enpatia.
• Asertibitatea.
• Trebetasun sozialak.
• Baliabide emozionalak.

3. Prozesu Akutuaren Ezaugarriak

• Bat-batean agertzen dira.
• Iraupen laburrekoak izan ohi dira.
• Pronostikoa ona izaten da.
• Sarritan, tratamendua ezaguna da eta eraginkorra izaten da.
• Ospitalizazio esperientzia laburra izan ohi da.

4. Nola Egingo du Lan Erizain Laguntzaileak ZIU-n Dagoen Pazienteari Arreta Ematen?

• Adi egon behar da egoera psikikoari dagokionez.
• Adi egon behar da bere egoera fisiologikoan gerta daitezkeen aldaketei.
• Berengana jo adeitasunez eta modu lasaigarrian. Erlaxatzeko ariketa sinpleak ere lagungarriak izan daitezke.
• Unitatea uzteko garaian, jokaera eta sentimendu positiboak indartu, beldurrak saihesteko.

5. Zer da Prozesu Akutu Bat? Adibideak

Osasun arazo larria eta epe laburrean ematen dena da, horrez gain, modu bortitzean eta denboran aldizka agertzen da. Adibidez: apendizitisa, amigdalitisa...

6. Zeintzuk dira Zahartzaroan Gertatzen diren Aldaketa Emozionalak Prozesu Akutu Baten Aurrean?

• Espazio-denborarekiko desorientazioa nabarmendu egiten da.
• Antsietatea agertzen da.
• Bere buruarekiko kontrola galdu duela sentitzen du, eta mendekotasun sentimenduak areagotzen dira.
• Jokaera erregresiboak agertzea ohikoa da.

7. Paziente Akutu Motak

• Paziente akutu anbulatorioak: Tratamendu farmakologikoa edo zainketa bat baino ez dutenak behar. Ospitalizaziorik ez dute behar, eta bizitza normala egin dezakete.
• Paziente kirurgikoak: Ospitalean ingresatzen dutenak ebakuntza bat egiteko. Ingresua programatua edo larrialdietatik izan daiteke.
• ZIU-ko pazienteak: Paziente hauen egoera dela eta, zainketa bereziak behar dituzte, eta zainketa berezietako unitatean daude.